Svavar Knútur í Haukadal

Vestfirska söngvaskáldið og gleðigjafinn Svavar Knútur mætir í Kómedíuleikhúsið Haukadal Dýrafirði með tónleika að hætti Knútsins. 

Tilefnið er útgáfa á plötunni Ahoy! Side B auk tvöfalda vínylsins Ahoy, sem marka endapunkt á 15 ára löngu verkefni þar sem Svavar hefur kafað ofan í sorgarferlið og fegurðina sem þar er að finna. 

Að vanda mun Svavar kasta fram sögum einsog honum einum er lagið enda mikið sagna- sem söngvaskáld. 

Gestum gefst tækifæri til að höndla vínyla Svavars á kómísku verði fyrir og eftir tónleika.

Að vanda verða hinar víðfrægu Haukadals leikhússnittur í boði á þessum einstöku tónleikum hins vestfirska Svavars Knúts.